O‘zbekiston-Afg‘oniston xalqaro chegara punktlarida «O‘zbektelekom» AK va AWCC tarmoqlari o‘rtasida yangi xalqaro chegara qo‘shma qurilishi bo‘yicha bitim imzolandi. Bu haqda «O‘zbektelekom» AK matbuot markazi xabar tarqatmoqda.
24 iyul kuni «O‘zbektelekom» AK va Afg‘oniston Islom RespublikasiningAfghan Wireless Communication Company (AWCC) telekommunikatsiya operatori rahbariyati bilan muzokaralar olib borildi.
Ma'lum qilinishicha, uchrashuvda hamkorlik memorandumi imzolandi va O‘zbekiston / Afg‘oniston xalqaro chegara punktlarida «O‘zbektelekom» AK va AWCC tarmoqlari o‘rtasida yangi xalqaro chegara qo‘shma qurilishi bo‘yicha bitim imzolandi.
Ushbu bitim Afg‘onistonga xalqaro internet tarmog‘i xizmatlarini eksport qilish imkoniyatini beradi.
Xabarda aytilishicha, muzokaralar davomida o‘zaro telekommunikatsiya xizmatlarini taqdim etish bilan bog‘liq texnik va tijorat masalalari ham muhokama qilindi.
