O‘zbekiston Xotin-qizlar qo‘mitasi tomonidan xotin-qizlarga aloqador bir qancha masalalar, bu borada amalga oshirilayotgan ishlar muhokamasiga bag‘ishlangan matbuot anjumani tashkil etildi, deb xabar bermoqda O‘zA.
Matbuot anjumanida O‘zbekiston Bosh vaziri o‘rinbosari, O‘zbekiston Xotin-qizlar qo‘mitasi raisi Tanzila Norboyeva ma'ruzasida yurtimizda qonuniy nikohdan o‘tmasdan, faqat shar'iy nikoh bilan yashayotganlar borasida to‘xtalib o‘tdi.
– Bilamizki, bunday nikohlar qonunchiligimizda noqonuniy nikoh hisoblanadi va yurtimizda 12 mingdan ortiq oila qonunan nikohdan o‘tmasdan yashab kelayotgani aniqlandi. Mahalla va O‘zbekiston Xotin-qizlar qo‘mitasi aralashuvi bilan ulardan 5152 tasining nikohi qonuniylashtirildi, – dedi Tanzila Norboyeva.
