6 oy ichida Xitoy bozoriga 191 million telefon yetkazib berildi

2018 yilning ikkinchi choragida Xitoyda ishlab chiqarilgan smartfon uyali aloqa vositalari 100 milliondan oshib ketdi. Bu haqda Sinxua xabar tarqatmoqda. 

Ma'lum qilinishicha, yilning dastlabki uch oyligida «aqlli» telefonlar bozorida sezilarli ravishda tushish qayd qilingandi. 

Canalys kompaniyasi taqdim etgan hisobotga ko‘ra, yilning birinchi choragida mamlakatda ishlab chiqarilgan smartfonlar 91 million dona bo‘lib, o‘tgan mos davrga nisbatan 20 foizga pasaygandi. 

Ayni paytda Huawei brendi va Honor subbrendi ostida ishlab chiqarilayotgan smartfonlar Xitoy ichki bozorining 27 foizini egallagan. Ushbu ko‘rsatkich Xitoydagi eng katta ulushni bildiradi. Mamlakat fuqarolari foydalanayotgan telefonlarning 90 foizini beshta yirik kompaniya ishlab chiqaradi va bu bozorda raqobat shiddat bilan o‘sib bormoqda.