Foto: CA-News
Tojikistonlik 170 nafar san'atkor «Do‘stlik oqshomi» konsert dasturida ishtirok etish uchun O‘zbekistonga yo‘l oldi. Delegatsiyaga Tojikiston madaniyat vaziri o‘rinbosari Ibodullo Mashrab boshchilik qilmoqda, deb xabar berdi vazirlik matbuot xizmati.
Ikki davlat san'at ustalarining birgalikdagi konsert dasturi 17 avgust kuni «O‘zbekiston» Forumlar saroyida bo‘lib o‘tadi.
Toshkentda tojik madaniyati va san'atini taniqli artistlar Davlatmand Xolov, Adham Xoliqov, Saidqul Bilolov, Taxmina Niyozova, Muhammadrafi Karomatullo hamda respublikaning turli viloyatlari raqs va estrada jamoalari namoyish etadi.
