Vaqf xayriya jamoat fondi Toshkent shahrida saxovat tadbiri o‘tkazdi

Vaqf xayriya jamoat fondi 27 avgust kuni joylardagi imom-xatiblar bilan birgalikda Toshkent shahrining Bektemir, Yashnobod va Uchtepa tumanlaridagi yordamga muhtoj nogironlar, yolg‘iz keksalar, boquvchisini yo‘qotgan fuqarolar hamda kam ta'minlangan 300 ta oilaga iste'mol savatchasini tarqatdi. Bu haqda fond Matbuot xizmati xabar bermoqda.

Iste'mol savatchasining har birida 5 litr pista yog‘i, 3 kg shakar, 2 kg oliy sifatli un, 2 kg makaron, 1 kg choy va 5 quti malham choy bor. Fond mazkur xayriya tadbirida ishtirok etganlarga o‘z minnatdorchiligini bildirib qoladi.