Olmaotadan O‘zbekistonga tilanchilik bilan shug‘ullangan ikki farzandli ayol deportatsiya qilinadi

Almali tumani politsiyachilari tilanchilik bilan shug‘ullangan 28 yoshli ayolni qo‘lga olishdi. Bu haqda NewTimes.kz xabar bermoqda.

«Barcha tahdid shundan iborat bo‘lganki, u yo‘lning qatnov qismida tilanchilik bilan shug‘ullangan va yonida ikki nafar yosh bola bo‘lgan. Ayolning shaxsi aniqlanganidan so‘ng shu narsa ma'lum bo‘ldiki, u O‘zbekiston Respublikasi fuqarosi hisoblanadi hamda bizning mamlakatda migratsiya qonunchiligini qo‘pol tarzda buzgan holda bo‘lgan.

Dastlabki bosqichda ushbu ayolga nisbatan Qozog‘iston Respublikasi Ma'muriy huquqbuzarliklar to‘g‘risidagi kodeksning «Jamoat joylarida fuqarolarga xiralik qilish» moddasiga muvofiq choralar ko‘rildi. Keyinchalik Olmaota ixtisoslashtirilgan tumanlararo ma'muriy sudi qaroriga ko‘ra u Qozog‘iston Respublikasidan vataniga chiqarib yuboriladi», - deya aniqlik kiritdi mahalliy politsiya xizmatining yuvenal bo‘limi boshlig‘i, politsiya polkovnigi Laylo Alipbayeva.