Namunali uylardan olib berishni va'da qilib, firibgarlik qilgan ayolga chora ko‘riladi

Shu yilning 4 sentabr kuni Samarqand shahar IIBga tushgan hujjatlarga ko‘ra, 2017 yil 5 may kuni D.I. ismli ayolning tanishi Samarqand shahrida yashovchi D.P. ismli ayol unga Oqdaryo tumani hududida qurilayotgan namunali uylardan olib berishini va'da qilgan.

O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabariga ko‘ra, bu ayol undan 4 500 AQSh dollarini olgan va va'dasini bajarmay pullarni o‘z ehtiyojlari yo‘lida ishlatib yuborgan.

Holat yuzasidan jinoyat ishi qo‘zg‘atilib D.P. qo‘lga olingan. Tergov harakatlari olib borilmoqda.