GM Uzbekistan «Ochiq osmon ostidagi savdolar»da 2 kun ichida 100 dona avtomobil sotdi

GM Uzbekistan 15-16 sentabr kunlari bo‘lib o‘tgan “Ochiq osmon ostidagi savdolar”da respublika bo‘ylab 100 dona avtomobil sotilganligini ma'lum qildi.

Shulardan 38 dona "Cobalt", 30 dona "Lacetti", 28 dona "Spark" va 3 dona "Nexia" avtomobillaridir.

Savdo bo‘yicha faollik Toshkent, Buxoro, Namangan, Qo‘qon hamda Farg‘ona shaharlarida qayd etilgan.

Bundan tashqari, Toshkentdagi avtosalonlardan birida bir dona "Malibu" avtomobili ham sotildi. Eslatib o‘tamiz, “Ochiq osmon ostidagi savdolar”ga qo‘yilgan barcha avtomobillar “45 daqiqada avtomobil!” aksiyasi bo‘yicha sotuvga qo‘yildi.

Eslatib o‘tamiz, avvalroq GM Uzbekistan ayrim avtomobil modellarining yetkazib berish muddatlarini qisqartirgandi.