Pista yog‘i uchun berilgan 43 500 dollarni o‘z ehtiyojlari yo‘lida ishlatib yuborgan shaxs ushlandi

Illyustrativ foto

Toshkent shahrining Sergeli tumanida jinoyat yuz berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

2018 yil 17 sentabr kuni IIBga tushgan hujjatlarga ko‘ra, shu yil 12 maydan 12 iyungacha bo‘lgan vaqt oralig‘ida fuqaro B.K. Jo‘nariq mahallasida fuqaro A.I. va B.R.ga 1 litr pista yog‘ini 1,08 AQSh dollardan olib berishini aytib, aldov yo‘li bilan ulardan jami 43 500 AQSh dollarini olgani va va'dasini bajarmay pullarni o‘z ehtiyojlari yo‘lida ishlatib yuborganligi ko‘rsatilgan. Ko‘rilgan choralar natijasida B.K. qo‘lga olingan.

Holat yuzasidan jinoyat ishi qo‘zg‘atilgan. Tergov harakatlari olib borilmoqda.