Toshkent metrosida Iqtisodiyot universiteti talabasi poyezd yo‘liga tushib ketdi

Foto: mytashkent

Bugun soat 13:49da Toshkent metropoliteni “Novza” bekatining ikkinchi yo‘liga Toshkent Iqtisodiyot universitetining 3-bosqich talabasi to‘satdan tushib ketdi, deb xabar bermoqda «O‘zbekiston temir yo‘llari» AJ matbuot xizmati.

Qayd etilishicha, metropoliten hamda ichki ishlar xodimlarining tezkor harakati tufayli talaba o‘z vaqtida qutqarib olingan va tez tibbiy yordam mashinasida shifoxonaga yuborilgan.

Talaba shifoxonaga ketishdan oldin o‘zining tobi qochganligi tufayli shunday voqea sodir bo‘lganligini va metropoliten xizmatining voqeada aybi yo‘qligini ta'kidlagan.