124 mln so‘mlik jinoyat. IIV «ishbilarmon» firibgar ayol ushlangani haqida xabar berdi

Buxoro shahrida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

2018 yil 14 sentabr kuni Quduqchi ko‘chasida yashovchi M.M. ismli ayol IIBga murojaat qilib, shu yil 17 may kunidan 27 may kunigacha bo‘lgan vaqt oralig‘ida Vobkent tumanida yashovchi Sh.R. ismli ayol “Karvon” bozorida unga Sh.K., M.A. va M.Sh. ismli ayollarga tegishli umumiy qiymati 124 mln so‘mlik zargarlik buyumlarini sotib berishini aytib, aldov yo‘li bilan ishonchiga kirib, undan zargarlik buyumlarini olib ketganligini ma'lum qilgan. 

Xabarda qayd etilishicha, Sh.R. qo‘lga olingan.

Holat yuzasidan jinoyat ishi qo‘zg‘atilib, tergov harakatlari olib borilayotgani aytiladi.