Toshkentda kelasi hafta birinchi qor yog‘ishi va keskin sovib ketishi kutilyapti

Kelgusi haftada Toshkent va O‘zbekistonning boshqa mintaqalarida harorat pasayishi hamda yomg‘ir va qor ko‘rinishidagi yog‘ingarchilik kutilmoqda.

O‘zgidromet ma'lumotlariga ko‘ra, 15 oktabr kuni tushdan keyin Toshkentda yomg‘ir yog‘ishi kutilmoqda.
 
Ertasi kuni, 16-17 oktabr kunlari yomg‘ir yog‘ishi mumkin, ayrim joylarda kuchli bo‘ladi, yomg‘ir qorga aylanishi mumkin.
 
15-16 oktabr kunlari kechasi havo harorati +3...+8, 17-18 oktabrda 0...+5, ba'zi joylarda -2 daraja sovuq bo‘lishi mumkin, 15 oktabr kuni kunduzi +12...+17, 16-17 oktabrda +5...+10 daraja iliq.
 
Shuningdek, Samarqand, Jizzax, Sirdaryo viloyatlarida va Farg‘ona vodiysida yomg‘ir hamda qor yog‘ishi kutilyapti.