Jismoniy shaxslar tomonidan bojxona to‘lovi undirilmaydigan ayrim tovarlarni olib o‘tishning miqdor normalari o‘zgardi

Vazirlar Mahkamasining 2018 yil 16 oktabrdagi qarori bilan Jismoniy shaxslar tomonidan O‘zbekiston Respublikasi Davlat chegarasining avtoyo‘l (yo‘lovchi), temir yo‘l va daryo o‘tkazish punktlari orqali bojxona to‘lovlari undirilmaydigan ayrim tovarlarni olib o‘tishning miqdor normalariga o‘zgartirishlar kiritildi.

Jismoniy shaxslar tomonidan O‘zbekiston Respublikasi Davlat chegarasining avtoyo‘l (yo‘lovchi), temir yo‘l va daryo o‘tkazish punktlari orqali bojxona to‘lovlari undirilmaydigan ayrim tovarlarni olib o‘tishning miqdor normalariga kiritilayotgan o‘zgartirishlar:

1. 1-20 bandlarning “Davriylik” ustunidagi “1 kalendar oy” so‘zlari “6 kalendar oy” so‘zlari bilan almashtirildi.

2. 21-band quyidagi tahrirda bayon etildi:

Eslatib o‘tamiz, 2018 yil 22 iyunda Vazirlar Mahkamasining «Jismoniy shaxslar tomonidan O‘zbekiston Respublikasiga tovarlarni olib o‘tish tartibini takomillashtirishga doir qo‘shimcha chora-tadbirlar to‘g‘risida»gi 463-son qarori qabul qilingandi. Unda jismoniy shaxslar tomonidan O‘zbekistonga olib kiriladigan maishiy texnika va boshqa tovarlarning miqdoriy normalari cheklangandi.