Rossiyalik milliarder va “Monako” futbol klubi egasi Dmitriy Ribolovlev knyazlik prokuraturasi talabi bilan hibsga olindi. Bu haqda Le Monde nashri xabar berdi.
Ribolovlev korrupsiyada, “ta'sirni sotish” kabi jinoyatlarda gumon qilinmoqda. Uning Monte-Karlodagi uyida tintuv o‘tkazilgan.
Nashr ma'lumotlariga ko‘ra, biznesmen Chempionlar ligasining “Monako” va “Bryugge” o‘yini oldidan hibsga olingan.
nrc.nl golland nashri Football Leaks platformasidagi ma'lumotlarga iqtibos keltirgan holda AIM golland kompaniyasi rahbari Bernard de Roos Ribolovlev bilan klubga fair play qoidalarini chetlagan holda pul sarmoya qilishda yordam beruvchi kelishuvni tuzganini ma'lum qilgan.
Shartnoma 2014 yilda tuzilgan. De Roos “Monako”ga 10 yil davomida 1,4 mlrd yevro keltirishga, ya'ni daromadni 10 marta ko‘paytirishga va'da bergan.
Ribolovlev fransuz klubining nazorat paketini 2011 yilda sotib olgan. 2,5 yil ichida u klubga 325 mln yevro sarmoya qilgan. nrc.nl’ning yozishicha, UYeFA oldin ham klubning moliyalashtirilishi manbalarini shubhali deb hisoblagan.
Biznesmen Forbes nashriga ko‘ra, rossiyalik milliarderlar ro‘yxatida 18-o‘rinni egallamoqda. Uning boyligi 6,8 mlrd dollarga baholanadi.
