23:40 / 14.11.2018
4964

«Barselona» jamg‘armasi qochqinlarga pul ajratdi

«Barselona» jamg‘armasi Gretsiya, Livan va Italiyadan qo‘nim topgan qochqinlarga 6 million yevro yordam puli ajratishga qaror qildi.

Bu voqeaga bag‘ishlangan maxsus tadbirda «Barselona» jamg‘armasi vakili sifatida klubning sobiq himoyachisi Lilian Tyuram ishtirok etdi. U 4 kun davomida Livanda bo‘lgan edi.

«U yerda futbol dunyoni o‘zgartira olishiga ishonch hosil qilasiz, chunki o‘ynayotgan bolalarning hammasi tengdir», – dedi Tyuram. 

«Barselona» vitse-prezidenti Jorji Kardoner nega klub bu tadbirda ishtirok etayotganini tushuntirdi.

«Biz bu tadbirda ishtirok etishga qaror qildik. Dunyoda 68 million qochqin bor, ularning yarmi bolalardir. Ular bu nizolar uchun javobgar emas va biz ularning har biri yana o‘z qadr-qimmatiga ega bo‘lish hissini tuyishini istaymiz», - deb Kardoner so‘zlarini keltirmoqda Marca.

Top