Toliblarga harbiy bosim o‘tkazish kerak – Pentagon 

Ayni vaqtda “Tolibon” Afg‘onistondagi urushda yengilmayapti. Bu haqda AQSh shtablari boshliqlari birlashgan qo‘mitasi raisi, general Jozef Danford aytib o‘tdi.

“Haqiqat uchun aytish kerakki, o‘ylashimcha, ayni vaqtda toliblar yengilmayaptilar”, deb aytgan Danford Kanadaning Galifaks shahrida xavfsizlik bo‘yicha o‘tgan xalqaro anjumanda.

Uning aytishicha, Afg‘onistondagi ixtilofni harbiy yo‘l bilan hal qilib bo‘lmaydi.

Generalning ta'kidlashicha, AQSh va uning NATO bo‘yicha ittifoqdoshlari toliblarni tinchlik bo‘yicha muzokaralarga qo‘shilishga ko‘ndirish uchun ularga harbiy, siyosiy va iqtisodiy bosim o‘tkazishi kerak.

“Toliblar bir kun kelib Afg‘onistondagi tinchlik jarayoniga qo‘shilishlariga to‘g‘ri kelishini bilishadi. Toliblarni muzokaralarga ko‘ndirish uchun bosim qo‘llash muvaffaqiyat qozonish kaliti hisoblanadi”, deb aytgan Pentagon vakili.

Danford Afg‘onistonda keyingi yilda o‘tishi rejalashtirilayotgan saylovlarning ahamiyati haqida gapirar ekan, toliblar bilan kelishuvga kelish uchun uzoq yo‘lni bosib o‘tishga to‘g‘ri kelishini ta'kidlab o‘tgan.