Qozog‘istonda O‘zbekistonning konsullik bo‘limi ish boshladi

2018 yil 30 dekabrdan Qozog‘istonda O‘zbekistonning konsullik bo‘limi faoliyat yuritishni boshladi. Bu haqda TIV Konsullik-huquqiy departamenti ma'lum qildi.

Ma'lum qilinishicha, O‘zbekistonning Qozog‘istondagi elchixonasi konsullik bo‘limi Ostona shahrida faoliyat yuritishni boshlashi munosabati bilan 2019 yilning 1 yanvaridan boshlab uning konsullik okrugiga Ostona shahri, Aqmo‘la, Shimoliy Qozog‘iston, Pavlodar, Qo‘stanay va Qarag‘anda viloyatlari kiradi.

Shuningdek, Oqtov shahrida O‘zbekistonning bosh konsulxonasi ochilguniga qadar 2019 yilning 1 yanvaridan e'tiboran O‘zbekistonning Olmaota shahridagi bosh konsulxonasi konsullik okrugiga Olmaota va Chimkent shaharlari, Olmaota, Sharqiy Qozog‘iston, Turkiston, Jambil, Qizilo‘rda viloyatlari, shuningdek, Mang‘istau, G‘arbiy Qozog‘iston, Atirau va Aqto‘be viloyatlari kiradi.