Prezidentning ayrim hujjatlariga o‘zgartirish va qo‘shimchalar kiritildi
|19:14 / 25.02.201923 59510 min
O‘zbekiston Respublikasi Prezidenti «O‘zbekiston Respublikasi Prezidentining ayrim hujjatlariga o‘zgartirish va qo‘shimchalar kiritish, shuningdek, ba'zilarini o‘z kuchini yo‘qotgan deb hisoblash to‘g‘risida»gi farmonni imzoladi.
Hujjat O‘zbekiston Respublikasi Prezidentining 2018 yil 1 martdagi “O‘zbekiston Respublikasi Davlat geologiya va mineral resurslar qo‘mitasi faoliyatini tubdan takomillashtirish chora-tadbirlari to‘g‘risida”gi PQ-3578-son, 2018 yil 13 iyuldagi “Jahon banki va Xalqaro moliya korporatsiyasining “Biznes yuritish” yillik hisobotida O‘zbekiston Respublikasining reytingini yanada yaxshilash chora-tadbirlari to‘g‘risida”gi PQ-3852-son, 2018 yil 4 sentyabrdagi “Qishloq xo‘jaligi mashinasozligi tarmog‘ini boshqarish tizimini takomillashtirish chora-tadbirlari to‘g‘risida”gi PQ-3929-son, 2018 yil 17 oktyabrdagi “Meva-sabzavot mahsulotlarini tashqi bozorlarga chiqarish samaradorligini oshirishga doir qo‘shimcha chora-tadbirlar to‘g‘risida”gi PQ-3978-son va 2018 yil 24 noyabrdagi “Qishloq joylarda va fuqarolarning ayrim toifalari uchun arzon uy-joylar qurishni kengaytirishga oid qo‘shimcha chora-tadbirlar to‘g‘risida”gi PQ-4028-son qarorlariga muvofiq, shuningdek, “Davlat belgisi” davlat ishlab chiqarish birlashmasida uzluksiz ishlab chiqarish jarayonini ta'minlash, Jahon iqtisodiyoti va diplomatiya universitetida o‘quv jarayonini optimallashtirish maqsadida qabul qilindi.
O‘zbekiston Respublikasi Prezidentining ayrim hujjatlariga kiritilayotgan o‘zgartirish va qo‘shimchalar:
O‘zbekiston Respublikasi Prezidentining 2018 yil 5 martdagi “Jismoniy tarbiya va sport sohasida davlat boshqaruvi tizimini tubdan takomillashtirish chora-tadbirlari to‘g‘risida”gi PF-5368-son Farmoni 5-bandi uchinchi va to‘rtinchi xatboshilari quyidagi tahrirda bayon etildi:
“davlat maktabgacha ta'lim muassasalari, umumta'lim maktablari, akademik litseylar, kasb-hunar kollejlari jismoniy tarbiya o‘qituvchilari (instruktorlari) tuman (shahar) jismoniy tarbiya va sport bo‘limlari bilan kelishgan holda tegishli ta'lim muassasalari rahbarlari tomonidan lavozimiga tayinlanadi va lavozimidan ozod etiladi;
oliy ta'lim muassasalarining jismoniy tarbiya o‘qituvchilari (kafedra mudirlari) oliy ta'lim muassasalari rahbarlari tomonidan Vazirlik vakili ishtirokida belgilangan tartibda o‘tkaziladigan tanlov natijalariga ko‘ra lavozimiga tayinladi va lavozimidan ozod etiladi”.
O‘zbekiston Respublikasi Prezidentining 2018 yil 27 iyuldagi PF-5490-son farmoni bilan tasdiqlangan Tekshiruvlarni elektron ro‘yxatga olish yagona tizimida ro‘yxatdan o‘tkazish orqali vakolatli organni xabardor etish tartibida o‘tkaziladigan tekshiruvlar ro‘yxatining rus tilidagi matnida:
Mavzuga oid
16-pozitsiyaning “Kontroliruyushchiy organ” ustunidagi “Gosudarstvennym komitetom Respubliki Uzbekistan po geologii i mineralnym resursam” so‘zlari “Inspeksiyey po kontrolyu za gorno-geologicheskoy deyatelnostyu pri Gosudarstvennom komitete Respubliki Uzbekistan po geologii i mineralnym resursam” so‘zlari bilan almashtirildi.
O‘zbekiston Respublikasi Prezidentining 2008 yil 21 apreldagi “Shaxsiy yordamchi, dehqon va fermer xo‘jaliklarida chorva mollar ko‘paytirishni rag‘batlantirishni kuchaytirish hamda chorvachilik mahsulotlari ishlab chiqarishni kengaytirish borasidagi qo‘shimcha chora-tadbirlar to‘g‘risida”gi PQ-842-son qarori 3-bandi ikkinchi xatboshidagi “O‘zagrolizing” AJ” so‘zlari “O‘zagrotexsanoatxolding” AJ” so‘zlari bilan almashtirildi.
O‘zbekiston Respublikasi Prezidentining 2013 yil 10 oktyabrdagi “Fuqarolarning o‘zini o‘zi boshqarish organlari xodimlarining malakasini oshirish bo‘yicha o‘quv kurslarini tashkil etish to‘g‘risida”gi PQ-2050-son qarori 5-bandi birinchi va ikkinchi xatboshilari quyidagi tahrirda bayon etildi:
“5. O‘zbekiston Respublikasi Prezidenti huzuridagi Davlat boshqaruvi akademiyasi va Fuqarolarning o‘zini o‘zi boshqarish organlari faoliyatini muvofiqlashtirish bo‘yicha respublika kengashi:
Oliy va o‘rta maxsus ta'lim vazirligi bilan birgalikda malaka oshirish bo‘yicha o‘quv rejalari va dasturlarini doimiy ravishda yangilanib turilishini ta'minlasin”.
O‘zbekiston Respublikasi Prezidentining 2017 yil 24 maydagi PQ-3003-son qarori bilan tasdiqlangan Qishloq va suv xo‘jaligi sohasi uchun muhandis-texnik kadrlar tayyorlash bo‘yicha oliy va o‘rta maxsus, kasb-hunar ta'limi muassasalarining Muvofiqlashtiruvchi Kengashi tarkibining rus tilidagi matni o‘n yettinchi xatboshi quyidagi tahrirda bayon etildi:
“Karimov M.A. - predsedatel AO «Uzagrotexsanoatxolding»”.
O‘zbekiston Respublikasi Prezidentining 2017 yil 10 oktyabrdagi “Fermer, dehqon xo‘jaliklari va tomorqa yer egalari faoliyatini yanada rivojlantirish bo‘yicha tashkiliy chora-tadbirlar to‘g‘risida”gi PQ-3318-son qarorida:
9-bandda:
birinchi xatboshidan “va suv” so‘zlari chiqarib tashlandi;
ikkinchi xatboshi “savdo xarid korxonalari” so‘zlaridan keyin “shuningdek, yakka tartibdagi tadbirkorlar” so‘zlari bilan to‘ldirildi;
10-band quyidagi tahrirda bayon etildi:
“10. O‘zbekiston Respublikasi Qishloq xo‘jaligi vazirligi va Kengash fermer, dehqon xo‘jaliklari va tomorqa yer egalari bilan ulgurji iste'molchilar, shu jumladan tayyorlov, qayta ishlash va eksport qiluvchi tashkilotlar, agrofirmalar, savdo xarid korxonalari, shuningdek, yakka tartibdagi tadbirkorlar o‘rtasida shartnomalar tuzishda qonun hujjatlariga rioya qilinishi ustidan tizimli monitoring o‘rnatsin”.
O‘zbekiston Respublikasi Prezidentining 2017 yil 3 noyabrdagi “Tashqi savdo faoliyatini yanada erkinlashtirish va tadbirkorlik sub'yektlarini qo‘llab-quvvatlash chora-tadbirlari to‘g‘risida”gi PQ-3351-son qarori 1-bandida:
birinchi xatboshi quyidagi tahrirda bayon etildi:
“1. Shunday tartib joriy etilsinki, unga muvofiq”;
“b” kichik bandda:
birinchi xatboshidan “yangi uzilgan meva-sabzavot mahsulotlari va” so‘zlari chiqarib tashlandi;
ikkinchi xatboshi quyidagi tahrirda bayon etildi:
“Bunda ushbu kichik bandning shartlari yakka tartibdagi tadbirkorlar tomonidan eksport qilinayotgan meva-sabzavot mahsulotlariga tatbiq etilmaydi. Eksport qilinayotgan tovarlarning bojxona rasmiylashtiruvi Tashqi savdo operatsiyalarining yagona elektron axborot tizimida hisob-kitoblar to‘g‘risidagi ma'lumotnomasiz amalga oshiriladi, ushbu qarorga ilovada ko‘rsatilgan xomashyo tovarlari, shuningdek, invoys asosida eksport qilinadigan tovarlar bundan mustasno”.
O‘zbekiston Respublikasi Prezidentining 2017 yil 6 noyabrdagi “Meva-sabzavot mahsulotlari, uzum, poliz, dukkakli ekinlar, shuningdek, quritilgan sabzavot va mevalarni mahalliy eksport qiluvchilarni qo‘llab-quvvatlash bo‘yicha qo‘shimcha chora-tadbirlar to‘g‘risida”gi PQ-3 377-son qarorida:
1-bandning “a” kichik bandida:
ikkinchi xatboshi chiqarib tashlandi;
uchinchi va to‘rtinchi xatboshilar tegishincha ikkinchi va uchinchi xatboshilar deb hisoblanadi;
2-band quyidagi tahrirda bayon etildi:
“2. Belgilab qo‘yilsinki:
yuridik shaxslar tomonidan meva-sabzavot mahsulotlari keyinchalik eksport qilish uchun jismoniy shaxslardan sotib olinganda, jismoniy shaxslardan olinadigan daromad solig‘i bo‘yicha imtiyozlar jismoniy shaxslar tomonidan sotilgan mahsulotlar ularga yoki ularning oila a'zolariga ajratilgan yer uchastkalarida yetishtirilganligini tasdiqlovchi hujjatni taqdim qilmasdan qo‘llaniladi;
bojxona haqidagi qonun hujjatlari buzilganligi belgilari aniqlangan taqdirda meva-sabzavot mahsulotlari eksportiga yuk bojxona deklaratsiyasini rasmiylashtirish ko‘rik hujjati tuzilganidan keyin 3 soatdan ko‘p bo‘lmagan muddatda amalga oshiriladi”.
O‘zbekiston Respublikasi Prezidentining 2017 yil 18 dekabrdagi “2018 yilda metall parchalarini tayyorlash, qora metallar prokatini ishlab chiqarish va foydalanish chora-tadbirlari to‘g‘risida”gi PQ-3438-son qarorida:
2-band quyidagi mazmundagi xatboshilar bilan to‘ldirildi:
“O‘zmetkombinat” AJ tomonidan ishlab chiqarilgan qora metallar prokatini sotish, istisno tariqasida, markazlashtirilgan manbalar hisobidan moliyalashtiriladigan iste'molchilarga O‘zbekiston Respublikasi Iqtisodiyot va sanoat vazirligining asoslantirilgan takliflari bo‘yicha Vazirlar Mahkamasining qarorlari bilan belgilanadigan hajmlarda to‘g‘ridan-to‘g‘ri shartnomalar va birja kotirovkalarining o‘rtacha narxlari asosida amalga oshirilishi mumkin;
markazlashtirilgan manbalar hisobidan moliyalashtiriladigan iste'molchilarga kvartal davomida birja kotirovkalarining o‘rtacha narxlari bo‘yicha to‘g‘ridan-to‘g‘ri shartnomalar asosida sotilmagan kora metallar prokatining hajmlari birja savdolariga majburiy qo‘yilishi lozim”;
5-band quyidagi tahrirda bayon etildi:
“5. Qora metallar prokatini ishlab chiqarish uchun xo‘jalik yurituvchi sub'yektlar tomonidan respublikaga olib kelinadigan metallurgiya xomashyosi (TIF TN kodlari 2619, 7203, 7204, 7207, 7224) 2020 yilning 1 yanvarigacha bojxona to‘lovlaridan (bojxona yig‘imlari bundan mustasno) ozod etilsin”.
