Slovakiyada prezident saylovlarining 2-turi o‘tadi

Slovakiyada prezident saylovlarining 2-turi o‘tadi. Unda advokat va jamoat arbobi Zuzana Chaputova va Yevrokomissiya rahbari o‘rinbosari Marosh Shefchovich ishtirok etadi. Chaputova saylovlarning 1-turi natijalariga ko‘ra 40,54 foiz ovoz, Shefchovich esa 18,66 foiz ovoz to‘plagan. 

3-o‘rinni mamlakat oliy sudining sobiq rahbari Shtefan Garabin (14,35 foiz) va 4-o‘rinni o‘ta o‘ng slovak partiyasi yetakchisi Marian Kotleba (10,4 foiz) egallagan. Qolgan nomzodlar 10 foizlik chegaradan o‘ta olishmagan. Saylovlarda hammasi bo‘lib 13 nomzod ishtirok etgan. Mamlakatning amaldagi prezidenti Andrey Kiska saylovlarda ishtirok etmagan.

Nomzodlardan birortasi zaruriy 50 foizdan ko‘proq ovoz to‘play olmagani sababli mamlakatda 2 haftadan keyin, ya'ni 30 mart kuni saylovlarning 2-turi bo‘lib o‘tadi.