Polvonovning tarixiy natijasi va Qosimovning ilk g‘alabasi. 8ta gol urilgan o‘yindan fotojamlanma

O‘zbekiston Superligasining 3-turi doirasida Olmaliqning OKMK klubi o‘z maydonida Qo‘qonning «Qo‘qon-1912» jamoasini qabul qilib, yirik hisobda g‘alaba qozondi.

Qo‘qonliklar bu o‘yinda ikki kishi kam bo‘lib o‘ynashi natijaga ta'sir ko‘rsatdi - Iqbol Malikjonov (27) va Oybek Rustamov (71) qizil kartochka olib, jamoadoshlarini qiyin ahvolda qoldirishdi.

O‘yinda mezbonlar hujumchisi Zafar Polvonov 5ta gol urdi, O‘zbekiston chempionatida 2006 yildan buyon bir futbolchi bir o‘yinda penta-trik qayd etishi kuzatilmagandi.

Bu g‘alaba Mirjalol Qosimov jamoasining mavsumdagi ilk g‘alabasi bo‘ldi. Endilikda jamoa turnir jadvalining beshinchi o‘rniga ko‘tarilib oldi.

Tribuna.uz fotomuxbiri o‘yinning asosiy lahzalarinini kameraga muhrladi.