Milliy axborot agentligi xabarlarni qozoq tilida ham taqdim etishni boshladi

O‘zbekistonda «Qozog‘iston yili» ning ochilishi munosabati bilan rasmiy axborot agentligi sahifalariga ilk bor qozoq tili ham qo‘shildi.

Endi veb-sayt O‘zbekiston va Qozog‘iston davlatlaridagi o‘zgarishlar va yangiliklar haqida tezkor va obektiv axborot uzatish imkonini beradi.

Ikki mamlakat o‘rtasidagi muhim ijtimoiy-siyosiy voqealarni to‘laligicha yoritish, azaliy yaqinlikni targ‘ib qilish, do‘stlik, hamjihatlik rishtalarini yanada mustahkamlash bosh maqsadi hisoblanadi.

Ma'lumot uchun, O‘zbekiston Milliy axborot agentligi axboroti 8 tilda — o‘zbek, rus, ingliz, fransuz, nemis, ispan, arab va xitoy tillarida tarqatiladi.