8518.68 USD +5.11

9652.52 EUR +145.42

131.33 RUB +0.92

10847.7 GBP +94.20

21:10 / 07.05.2019 18492

Трампнинг рейтинги тарихий максимумга етди

Фото: White House / Globallookpress.com

АҚШ президенти Дональд Трампни маъқуллаш рейтинги унинг президентлиги вақтидаги энг юқори кўрсаткич – 46 фоизга етди. Бундай хулосага Гэллап институти тадқиқотчилари келишган. Улар олиб борган сўровномалар натижалари институт сайтида келтирилган.

17-30 апрель кунлари олиб борилган тадқиқотда 1024 нафар респондент иштирок этган. Тадқиқот натижаларига кўра, Республикачилар партиясини қўллаб-қувватловчилар орасида Трампнинг фаолиятини маъқулловчилар 91 фоизни, Демократик партия тарафдорлари орасида 12 фоизни, иккала партияни ҳам қўллаб-қувватламайдиганлар орасида эса 37 фоизни ташкил қилган.   

Трампнинг президентлик муддати давомида уни маъқуллаш ўртача рейтинги 40 фоизни ташкил қилади. Бу кўрсаткич энг паст даража – 35 фоизга 2017 йилда тушиб кетган. Трампни қўллаб-қувватлаш рейтинги охирги марта рекорд даража – 45 фоизга жорий апрель бошида кўтарилган.

Аввалги президент Барак Обаманинг шу даврдаги қўллаб-қувватлаш кўрсаткичи 44 фоизни ташкил қилган. Умуман олганда АҚШ президентларини ўртача аҳолининг 54 фоизи қўллаб-қувватлаган. Трамп маъқуллаш рейтинги 50 фоиздан ошмаган биринчи АҚШ етакчиси бўлди.  

2018 йил февралда Boise институти Трампни АҚШ тарихидаги энг номашҳур президент деб атаганди.

Top