8535.74 USD +17.06

9566 EUR -86.52

132.57 RUB +1.24

10746.5 GBP -101.19

11:40 / 12.06.2019 4840

«Фориш»да ўзбек—француз мерганлари ҳамкорлигида машғулотлар ўтказилмоқда

Марказий ҳарбий округи «Фориш» тоғ дала ўқув майдонида Франция Қуролли Кучлари ҳарбий делегацияси томонидан «Снайпер кундалиги» дастури бўйича 3 босқичда машғулотлар ўтказилмоқда.

Фото: Мудофаа вазирлиги матбуот хизмати

Дастлабки босқичда мерганлар аниқликка отиш назарияси бўйича билимларга эга бўлишади. Иккинчи босқичда эса назарий тайёргарликдан ўтган ҳарбийлардан ой давомида узоқликка отиш машқларини амалий бажариш талаб этилади. Сўнгги босқичда иштирокчиларга мутахассислик педагогикасига оид билимлар берилади. 

Фото: Мудофаа вазирлиги матбуот хизмати

Юқоридаги синовлардан аъло натижалар билан ўтган мерганларгина йўриқчи мақомига эга бўлиши мумкин. 

Бир неча кундан бери француз офицери капитан Жан-Тама Тоер, катта сержант Лаша Сулакаури ҳамда сержант Миксил Кокашвили тоғ шароитида мерганлик амалиёти бўйича якуний босқич машғулотларини ўтказишмоқда.  

Фото: Мудофаа вазирлиги матбуот хизмати

Ушбу машқлар реал жанговар ҳаракатларга яқин тарзда, яъни ҳаракатланаётган автомобилда, бино, дарахт ортидан, тоғли ҳудудда кўриниши ёмон бўлган тунги шароитларда олиб борилмоқда. Унда тўғри нишонга олиш, ниқобланиш, жойни танлаш, узоқ ва яқин масофаларда қуролларни самарали қўллаш методлари каби мавзуларга алоҳида эътибор қаратилган. 

Фото: Мудофаа вазирлиги матбуот хизмати

Мазкур ҳамкорликдаги машғулотларнинг ёпилиш тантанаси 13 июнь куни Франция давлатининг Ўзбекистондаги мухтор элчиси иштирокида ўтказилиши кўзда тутилган.

Top