O‘z ish joyidan 30 295 000 so‘m pulni o‘g‘irlagan ishchi qo‘lga olindi

Illyustrativ foto

2019 yil 26 iyulga o‘tar kechasi noma'lum shaxs Navoiy shahar hududida joylashgan “Erudit Plyus” MChJ ma'muriy binosidagi hisobxonasiga eshik oynasini sindirib kirgan.

O‘zbekiston Respublikasi IIV Jamoatchilik va OAV bilan aloqalar boshqarmasi xabariga ko‘ra, bu shaxs u yerdan 30.295.000 so‘m pullarni o‘g‘irlab ketgan. Ko‘rilgan choralar natijasida ushbu jinoyatni Navbahor tumani Mehnat MFYda yashovchi, “Erudit Plyus” MChJ ishchisi 31 yoshli X.B. sodir etganligi aniqlanib, ushlangan.

Holat yuzasidan jinoyat ishi qo‘zg‘atilib, tergov harakatlari olib borilmoqda.

#Navoiy #o‘g‘rilik