MAKON Marketing Forum 2019: birinchi milliy biznes-forum Toshkent va Samarqandda o‘tkaziladi

MAKON Marketing Forum 2019 konferensiyasi 19 oktyabrda Toshkentda va 2 noyabrda Samarqandda o‘tkaziladi. Har bir shahardagi forum ishtirokchilarini sakkiztadan ekspertlar chiqishi kutmoqda. Ma'ruzachilar o‘z mahsulotlari yoki xizmatlarini reklama qilmaydilar, balki shaxsan nimalar qilganliklari haqida so‘zlaydilar, nostandart kreativ yechimlar to‘g‘risida hikoya qiladilar va o‘z g‘oyalaringizni qanday amalga oshirish borasida qimmatli maslahatlar beradilar.

Forumning asosiy vazifasi, forum tashkilotchisi, Milliy marketing markazi boshqaruvi raisi Diyor Mirzaahmedovning fikriga ko‘ra, real tajriba va bilimga ega, o‘z hamkasblari va boshlovchi mutaxassislar bilan real keyslar hamda mutlaqo amaliy xarakterga ega “suvsiz” axborotni o‘rtoqlashishga tayyor mahalliy ma'ruzachilar jam bo‘ladigan tarmoq maydonchasini yaratishdir. Bu davlat tilida mana shunday keng ko‘lamli tadbir tashkil etish borasidagi birinchi tajribadir. 

Tashkilotchilar Forum missiyasini belgiladilar – butun mamlakat bo‘ylab marketingni rivojlantirish. Aynan shu sababli konferensiya bir vaqtda mamlakatning ikkita  yirik shahrida: Toshkent va Samarqandda o‘tadi. Poytaxt va mintaqalar aholisida yaqin kelajakda birinchi marta yangi formatdagi chiqishlarni tinglash va bilimlar hamda marketing va reklama vositalariga ega bo‘lish imkoniyati yuzaga keladi. 

MAKON Marketing Forum 2019da qatnashishini tasdiqlagan ma'ruzachilar: Zafar Hoshimov, Murod Nazarov, Ibrohim G‘ulomov, Muhammad Ali Shokirov, Umid G‘ofurov, Temur Sa'diy, Bahodir Fozilxo‘jayev, Akmal Nasriddinov, Alisher Isayev, Aziz G‘apporov, Baxtiyor To‘xtayev, Azizbek Yusufov.