O‘zbekiston milliy jamoasi hujumchisi Eldor Shomurodov o‘zining yorqin o‘yinlari bilan nafaqat o‘zbekistonlik, balki rostovlik muxlislarni ham xursand qilib kelmoqda. Kun.uz sayti muxbirlari Rossiya chempionati to‘purari bo‘lib turgan Eldor Shomurodov haqida ko‘rsatuv tayyorlash uchun Rostov shahrida bo‘lib turishibdi.
Foto: KUN.UZ
Muxbirlarimiz «Rostov»ning «Sochi», «Spartak» va «Krasnodar» bilan o‘yinlarini stadiondan tomosha qilib, Shomurodovni qo‘llab-quvvatlashadi va u haqda ko‘rsatuvni suratga olishadi. Bu vaqt davomida «Rostov»ning o‘yinlaridan eksklyuziv kadrlar ham Kun.uz sayti va saytning ijtimoiy tarmoqlardagi sahifalarida e'lon qilib boriladi. Tez orada Eldor Shomurodov haqidagi ko‘rsatuvni saytimizda tomosha qilasiz. Bizni kuzatib boring.
