19:24 / 08.12.2019
6379

EPSILON: «O‘zbekneftgaz» hamkorligida qazib chiqarish va gaz uzatish quvurlari quvvati oshirilishi davom etmoqda

Tarmoqdagi asosiy hamkor bilan birgalikda avariyaviy va past debitli quduqlar tiklanmoqda. Hukumat qaroriga muvofiq qazib olinayotgan gaz to‘laligicha aholi ehtiyoji uchun yo‘naltirilmoqda.

8 dekabr kuni GRP usuli qo‘llanilishi ortidan Ilm-5 qudug‘ining kunlik debiti  30 ming dan 80 ming kub m gacha ortdi.

 Gaz uzatish infratuzilmasinining o‘tkazuvchanlik imkoniyatini kengaytirish hisobiga  aholini zarur resurs bilan ta'minlash maqsadida «O‘zbekneftgaz» AJ bilan  hamjihatlikda yangi gaz quvurlari qurilishi olib borilmoqda: «Nazarquduq YP – Sho‘rtanneftgaz» (67 km), «Tandircha YP – Sho‘rtanneftgaz» (45 km) va «Chigil YP – Muborak GQIZ» (110 km).

Quvur tortish ishlarining sur'ati kuniga o‘rtacha 4 km ni tashkil etib, ishlar kechayu-kunduz olib borilmoqda.

«Nazarquduq YP – Sho‘rtanneftgaz» yo‘nalishidagi gaz uzatish quvurlari pnevmatik sinovlarga tayyorlanmoqda.

8 dekabr holatiga jami: keltirish uchun yuklangan quvurlar – 32,5 ming tn, keltirilgan quvurlar – 20 ming tn, kavlangan zovurlar – 57,9 km, qatorga payvandlangan quvurlar – 80,9 km va yotqizilgan quvurlar – 31,1 km ni tashkil etdi.

EPSILON kompaniyasi Matbuot xizmati

Top