«O‘zbekiston temir yo‘llari» Rossiyaga ikkita yangi yo‘nalish tashkil qildi

Foto: O‘zbekiston temir yo‘llari

«O‘zbekiston temir yo‘llari» AJ yo‘lovchilarga qo‘shimcha qulayliklar yaratish maqsadida xalqaro yo‘nalishlarda ikkita yangi yo‘nalish tashkil qildi. Bu haqda kompaniya xabarida aytiladi.

Qayd etilishicha, joriy yilning 13 dekabridan boshlab №350/349-sonli poyezd Termiz – Moskva – Termiz yo‘nalishi bo‘yicha qatnay boshladi. Shuningdek, tarmoq temiryo‘l jadvalidagi yangi yo‘nalishlardan - 2020 yil fevral oyidan boshlab Andijon – Ufa – Andijon yo‘nalishidagi (№371/372-sonli) poyezd qatnovi boshlanadi.

Bildirilishicha, davlatlararo poyezdlarning yo‘lovchilari uchun maxsus chegirmalar mavjud. Xususan, oldindan sotib olish muddatiga ko‘ra chipta tarifining 55 foizgacha chegirma mavjud.