09:35 / 29.02.2020
1
4678
«Фарғона ҲЭТ»да автосарой ишга туширилиб, ходимларга скутерлар берилди

Кунлик иш жараёнида ишчи ходимларга қулай шарт шароит меҳнат самарадорлигини ошишининг асосий омили хисобланади. Бунга мисол тариқасида “Фарғона ҳудудий электр тармоқлари корхонаси” Акциядорлик жамиятида яна бир объект капитал таъмирдан чиқарилиб, фойдаланишга топширилди.

Фото: Фарғона ҳудудий электр тармоқлари корхонаси

Жамиятнинг Автотранспорт ва механизмлар хизмати жойлашган мазкур объект, замонавий архитектура талаблари асосида капитал таъмирдан чиқарилди. У ерда транспорт воситаларига мўлжалланган алоҳида тураргоҳ, ёқилғи қуйиш ҳамда техник хизмат кўрсатиш шохобчалари, диспетчерлик пункти каби хизмат фаолиятига оид қулайликларга эга бўлган хоналар қайта қурилиб, жиҳозланди.

Фото: Фарғона ҳудудий электр тармоқлари корхонаси

Очилиш маросимида, “Ҳудудий электр тармоқлари” Акциядорлик жамиятининг бошқарув раҳбарияти, соҳада узоқ йиллар меҳнат қилган меҳнат фахрийлари ҳамда оммавий ахборот воситалари ходимлари иштирок этишди.

Бундай қулай шарт-шароитлар ишчи ходимларни иш жараёнида хавфсиз меҳнат қилишларини таъминлайди.

Фото: Фарғона ҳудудий электр тармоқлари корхонаси

Бундан ташқари, тадбир давомида, жамият тасарруфидаги туман (шаҳар) электр таъминоти корхоналарининг Хавфсизлик техникаси соҳасида фаолият кўрсатаётган ходимларга замонавий мотороллер (скутер)лар топширилди.

Фото: Фарғона ҳудудий электр тармоқлари корхонаси
Фото: Фарғона ҳудудий электр тармоқлари корхонаси

Эндиликда улар ўз ҳудудларидаги объектларда бажарилаётган барча ишларнинг сифати ва техника хавфсизлиги масалалари юзасидан назоратни кучайтириш имконига эга бўлишади.

Фото: Фарғона ҳудудий электр тармоқлари корхонаси

Шу ўринда айтиб ўтиш жоизки, ўтган давр мобайнида “Фарғона ҳудудий электр тармоқлари корхонаси” Акциядорлик жамияти томонидан тасарруфидаги 16 та туман (шаҳар) электр таъминоти корхоналари тўлиқ капитал таъмирланиб, фойдаланишга топширилган эди.

“Фарғона ҳудудий электр тармоқлари корхонаси” АЖ
Матбуот хизмати

Ушбу хабарга фикрингизни билдиринг. Бунинг учун авторизациядан ўтишингиз керак!
Top