Peterburgda o‘zbekistonlik migrantlar va dog‘istonliklar o‘rtasida ommaviy mushtlashuv yuz berdi

Peterburgda politsiya xodimlari «Galereya» savdo-ko‘ngilochar majmuasi yonida ro‘y bergan ommaviy mushtlashuvda ishtirok etganlikda gumon qilingan 11 kishini qo‘lga oldi. Bu haqda «Interfaks» xabar bermoqda.

Tergov ma'lumotlariga ko‘ra, mojaro O‘zbekiston fuqarolari va dog‘istonliklar o‘rtasida kelib chiqqan.

Mushtlashuvda o‘n besh kishi qatnashgan, ular politsiya kelgunicha tarqalib ketgan. Ulardan biriga pichoq bilan jarohat yetkazilgan, uni o‘rtacha og‘ir ahvolda kasalxonaga olib ketishdi.

Qo‘lga olinganlar - 18 dan 25 yoshgacha, ularning barchasi O‘zbekiston va Dog‘istondan bo‘lganlar, deya aytib o‘tdi agentlik suhbatdoshi. Ularga bezorilik bo‘yicha ish qo‘zg‘atilgani aytiladi.