Peterburgda qarovsiz qolgan olti nafar voyaga yetmagan bola O‘zbekistonga qaytarildi

Mamlakat Bosh konsulxonasi ko‘magida Rossiyaning Sankt-Peterburg shahrida ota-ona qaramog‘isiz qolgan olti nafar voyaga yetmagan vatandosh O‘zbekistonga olib kelindi.

Foto: Dunyo

O‘zbekistondan kelgan ishchi guruh 10 kun davomida barcha kerakli hujjatlarni yig‘di. Ota-ona qaramog‘isiz qolgan bolalar Sankt-Peterburgdagi voyaga yetmaganlar uchun ijtimoiy reabilitatsiya markazlari va bolalar uchun "Tranzit" ijtimoiy boshpanasiga yetkazildi.

Voyaga yetmagan bolalardan biri uch yildan beri onasidan ayro tarzda, otasi bilan yashab kelgan. Otasi uni onasidan noqonuniy ravishda olib qo‘ygan. Bolaning oilasi uning hayoti va sog‘lig‘iga tahdid soladigan ijtimoiy noqulay muhitni boshdan kechirgan.

Bosh konsulxona xodimlari va mutasaddi tashkilotlar xodimlari bolaning yashash joyida bo‘lib, voyaga yetmagan fuqaroni O‘zbekistonga qaytarish choralarini ko‘rdi.

O‘zbekiston Bosh konsulxona tomonidan Rossiya hududlarida qarovsiz qolgan olti nafar bolaning vatanga qaytishi uchun tegishli guvohnomalar rasmiylashtirildi. Diplomatlar ularni Sankt-Peterburg-Toshkent aviareysi bilan O‘zbekistonga kuzatib qo‘ydi.

Tayyorlagan: Отабек Матназаров

#Peterburg #qarovsiz bola