23:48 / 15.04.2020
14373
Кержаков Шомуродовни «Ливерпуль» ҳужумчисига ўхшатди

Россия миллий жамоасининг собиқ ҳужумчиси Александр Кержаков «Спорт-Экспресс» нашрига берган интервьюсида Элдор Шомуродовни Россия чемпионатининг энг яхши уч ҳужумчиси сафига киритиб, уни «Ливерпуль» форвардига ўхшатди.

Фото: KUN.UZ

«Россия чемпионатининг энг яхши ҳужумчилари қаторига ўзимга ёқадиган Комличенкони қўшишим мумкин, аммо учталикка эмас. Комличенконинг чемпионатда ҳали ўзини ҳар томонлама кўрсатишга вақти бор. Уни ҳозирча 4-ўринга қўяман. Дастлабки учлигимга эса Александр Кокорин, Артём Дзюба ва Элдор Шомуродовни киритаман.

Шомуродов айниқса ҳужумни якунлашда жуда яхши ҳаракат қилади. У худди «Ливерпуль»даги Фирминонинг майдондаги вазифасини бажаради. «Ростов» форварди майдон марказига келиб, шерикларига қочиш учун бўш ҳудуд яратади. Қолаверса у яккама-якка вазиятларда ҳам яхши ўйнайди», дейди «Зенит», «Севилья» ва «Тоттенҳэм»да ўйнаган собиқ ҳужумчи.

Маълумот учун, Элдор Шомуродов Россия чемпионатининг жорий йилги мавсумида 11та гол билан тўпурарлик пойгасида Артём Дзюбадан (13 та гол) кейин иккинчи бўлиб турибди.

Top