Navoiyda 21 nafar bemor koronavirusdan tuzaldi. Mamlakatda jami sog‘ayganlar soni 3444 nafarga yetdi

Navoiy viloyatida 21 nafar bemor sog‘aydi va reabilitatsiyaga kuzatildi. Bu haqda Sog‘liqni saqlash vazirligi Jamoatchilik bilan aloqalar bo‘limi xabar qilmoqda.

Tuzalganlarning 13 nafari erkak, 8 nafari ayol bo‘lib, yoshi kattasi 49 yoshda, yoshi kichigi 2019 yil tug‘ilgan. Ularning barchasi ushbu viloyatdan (20 nafari Zarafshon shahridan, 1 nafari Xatirchi tumanidan).

Navoiy viloyatida sog‘ayganlar 114 nafar bo‘lsa, endilikda ular 135 nafarga yetib, davolanayotganlar 94 nafarni tashkil etmoqda.

Shunday qilib, bugun ayni paytga qadar 87 nafar bemor tuzalib, mamlakat bo‘ylab koronavirus infeksiyasidan jami sog‘ayganlar soni 3444 nafarga yetdi.