Yuk avtomashinasi ostiga yashirilgan ovoz kuchaytirgichlar fosh etildi

Xususan, Toshkent viloyati bojxona boshqarmasi “Yallama” chegara bojxona postiga qo‘shni mamlakatdan kirib kelgan fuqaro X.A. boshqaruvidagi “MAN TGS” rusumli yuk avtotransport vositasi o‘rnatilgan tartibda postdagi inspeksion ko‘rik majmuasi yordamida nazoratdan o‘tkazildi.

Tekshiruv davomida avtotransport vositasining kabinasi va tag qismiga yo‘l yuk hujjatlarida ko‘rsatilmagan va bojxonachilarning og‘zaki so‘rovida ma'lum qilinmagan umumiy qiymati 43,4 million so‘mlik 96 dona avtotransport vositasi uchun kolonkalar, ovoz kuchaytirgich va g‘ildirak diskalari yashirilganligi aniqlandi.

Hozirda yuqoridagi holat yuzasidan bojxona organlari tomonidan surishtiruv harakatlari davom ettirilmoqda.