23:57 / 07.07.2020
13964

Qozog‘istonda dori-darmon ajiotaji boshlandi. To‘qayev fuqarolarni sarosimaga berilmaslikka chaqirdi  

Foto: Tengrinews

Qozog‘iston prezidenti Qosim-Jo‘mart To‘qayev dori-darmonga talab oshib ketgani ortida aholiga murojaat qildi. U fuqarolarni sarosimaga berilmaslikka chaqirgan.

“Huquq-tartibot idoralari mening topshirig‘imga ko‘ra dori-darmon chayqovchiligi bilan shug‘ullanayotganlarni ushlashni boshladi. Fuqarolarni dori-darmon bilan ta'minlash bo‘yicha ish davom etmoqda. Fuqarolarga dori-darmonga talab oshishiga olib keluvchi sarosimaga berilmaslik iltimosi bilan murojaat qilaman”, deb yozgan Qozog‘iston prezidenti Twitter’da. 

Bir kun avval Qozog‘istondagi dorixonalarda dori tanqisligi sababli odamlar ijtimoiy tarmoqlar orqali bir-birlaridan yordam so‘rayotganlari ma'lum qilingan. Ko‘pchilik zarur dorini istalgan pulga sotib olishga tayyorligini yozgan.

Mavzuga oid
Top