10:19 / 21.07.2020
9761
Ўзбекистонда коронавирусдан даволанаётган беморлар сони 8 мингдан ошди

Соғлиқни сақлаш вазирлиги яна 276 кишида вирус аниқлангани ҳақида хабар берди.

«2020 йил 21 июль соат 10:00 ҳолатига кўра, Ўзбекистонда коронавирус инфекцияси қайд этилганлар сони 17 590 нафарни ташкил этмоқда.

Янги касалланиш ҳолатларининг 82 нафари Тошкент шаҳрида тана ҳарорати кўтарилганлиги туфайли профилактика мақсадида ҳамда коронавирусга чалинган беморлар билан мулоқотда бўлганлиги сабабли намуна олинган фуқаролар орасида, 57 нафари Андижон вилоятида, 42 нафари Наманган вилоятида, 36 нафари Сирдарё вилоятида, 29 нафари Жиззах вилоятида, 23 нафари Қорақалпоғистон Республикасида ҳамда 7 нафари Навоий вилоятида коронавирусга чалинган беморлар билан мулоқотда бўлганлиги сабабли намуна олинган фуқаролар орасида аниқланган», дейилади хабарда.

20 июль куни Ўзбекистоннинг 11 ҳудудида жами 562 ҳолатда касаллик қайд этилган. Шундан 63 нафари Карантин муассасаларида, 499 нафари аҳоли орасида аниқланган.

Шунингдек, 184 бемор тузалиб, шу вақтгача касалликдан соғайиб чиққанлар сони 9 463 нафарга етган. Шу вақтгача расмий статистикага кўра, 92 киши коронавирус қурбонига айланган.

Айни вақтда 8035 нафар беморга шифокорлар томонидан белгиланган стандартлар бўйича даво чоралари кўрилмоқда. Улардан 76 нафари оғир, 28 нафари эса ўта оғир аҳволда.

Мавзу
Коронавирус Ўзбекистонда
15 март куни Ўзбекистонда коронавирусга чалинган илк бемор аниқланди.
Барчаси
Top