«O‘zpaxta» avtomatlashtirilgan tizimi bino va inshootlari Qishloq xo‘jaligi vazirligiga beriladi

Vazirlar Mahkamasining paxta xomashyosi hisob-kitobini yuritishning ochiq va shaffof tizimi barqarorligini ta'minlash bo‘yicha farmoyishi loyihasi e'lon qilindi.

O‘zbekiston Respublikasi Iqtisodiy taraqqiyot va kambag‘allikni qisqartirish vazirligi, Moliya vazirligi, Davlat aktivlarini boshqarish agentligi, “O‘zpaxtasanoat” AJni tugatish komissiyasi, O‘zbekiston fermer, dehqon xo‘jaliklari va tomorqa yer egalari kengashi hamda “O‘zto‘qimachiliksanoat” uyushmasining Toshkent shahar, Sh.Rustaveli, ko‘chasi, 8a-uy manzilida joylashgan “O‘zpaxta” avtomatlashtirilgan tizimi bino va inshootlari hamda tegishli jihozlari bilan birga O‘zbekiston Respublikasi Qishloq xo‘jaligi vazirligiga operativ boshqaruv huquqi asosida tekin berish to‘g‘risidagi taklifi ma'qullanadi.

Belgilanishicha, obekt “O‘zpaxtasanoat” AJ ustav kapitalidagi davlat ulushini mutanosib ravishda balans (qoldiq) qiymatida kamaytirish hisobiga beriladi.

O‘zbekiston Respublikasi Qishloq xo‘jaligi vazirligi “O‘zpaxtasanoat” AJni tugatish komissiyasi va Toshkent shahar hokimligi bilan birgalikda bir oy muddatda bino va inshootlar hamda jihozlarning belgilangan tartibda topshirilishi va qabul qilinishini ta'minlaydi.

Farmoyishning ijrosini nazorat qilish O‘zbekiston Respublikasi bosh vazirining o‘rinbosari O‘.I. Barnoyev zimmasiga yuklanadi.