Rasman: «Jyenoa» Eldor Shomurodov transferini e'lon qildi

Ma'lumotlarga ko‘ra, «Rostov» 25 yoshli hujumchisini 7,5 million yevro evaziga transfer qilgan.

O‘zbekistonlik forvardning Italiya chempionatidagi ishtiroki yaxshi chiqsa, donliklar klubi yana 1,5 million yevroni bonuslar ko‘rinishida olishi mumkin. Bundan tashqari, «Jyenoa» Shomurodovni boshqa klubga sotsa, «Rostov» keyingi transferdan 15 foizlik ulushga ega bo‘ladi.

Futbolchining italyan jamoasidagi yillik maoshi miqdori 1 million yevroni tashkil etishi xabar qilingan.

Avvalroq «Jyenoa» Shomurodovni 8 mln yevroga sotib olgani va hujumchi Genuya klubida yiliga 600-700 ming yevro maosh olishi xabar qilingandi.