22:12 / 17.10.2020
5998
Путин ва Саудия валиаҳд шаҳзодаси ОПEК+ келишувлари ва коронавирусни муҳокама қилди

Икки давлат раҳбарлари Саудия Арабистонида Россиянинг «Спутник V» вакцинасидан фойдаланиш истиқболларини муҳокама қилди.

Фото: РИА Новости

Россия президенти Владимир Путин ва Саудия Арабистони валиаҳд шаҳзодаси Муҳаммад бин Салмон энергетика бозорлари ва ОПEК+ гуруҳининг келишувларини амалга оширишни муҳокама қилди. Бу ҳақда Россия президенти матбуот хизмати хабар берди.

«Ҳар икки томон глобал энергия бозорида барқарорликни сақлаш учун ушбу соҳада изчил мувофиқлаштирув ишларини давом эттиришга тайёрлигини яна бир бор таъкидлади», - дейилади хабарда.

Шунингдек, хабарда айтилишича, икки давлат раҳбарлари коронавирус инфекциясининг тарқалишига қарши курашиш бўйича ҳамкорлик ва Саудия Арабистонида Россиянинг «Спутник V» вакцинасидан фойдаланиш истиқболларини муҳокама қилди.

Top