10:11 / 26.10.2020
21156
Байден Россияни AҚШ учун асосий таҳдид деб атади

Халқаро майдонда Россия AҚШ хавфсизлигига энг катта таҳдид солмоқда, дейди демократ. Демократик партиядан президентликка номзод Жозеф Байденнинг айтишича, Россия AҚШ учун асосий таҳдиддир. Демократ бу ҳақда 25 октябрь, якшанба куни CBS телеканалидаги интервьюсида маълум қилган.

Фото: Getty Images

“Менимча, ҳозирги пайтда Россия бизнинг хавфсизлигимиз ва иттифоқларимизга путур етказиш нуқтаи назаридан энг катта таҳдид ҳисобланади. Иккинчидан, мен Хитойни энг катта рақибимиз деб биламан”, – деган давлат раҳбари лавозимига номзодлик қилаётган Байден.

“Қаранг, Россия нима қилмоқда – у барча диктаторларга яқинлашиб, дўстларимизнинг ишларига халал берди. NATO’даги дўстларимиз биздан юз ўгиришмоқда, чунки улар бизга ишонмай қўйишди”, – дейди Байден.

Эслатиб ўтамиз, аввалроқ AҚШ Давлат департаменти Россия дезинформация ва ташвиқот бўйича етакчи ўринда туришини айтган эди. Департамент Россия Федерациясининг ушбу соҳадаги усулларини фош этиш бўйича иш олиб бормоқда.

Шу билан бирга, Оқ уй Москвани энг кучли рақиб деб ҳисоблашдан бош тортмоқда. Уларнинг фикрича, Хитой ҳокимиятининг хатти-ҳаракатлари “тобора кўпроқ жангари” тус олмоқда.

Мавзу
АҚШ-2020
2020 йилнинг 3 ноябрида АҚШда президентлик сайловлари бўлиб ўтади. 3 февраль куни демократлар қароргоҳида бирламчи сайловлар - кокуслар ва праймеризлар бошланган.
Барчаси
Top