Bitiruvchilarning OTMga kirish ko‘rsatkichlari bo‘yicha eng katta o‘sish ikki viloyatda qayd etildi

Uning aytishicha, hududlarda ta'limni yaxshilash bo‘yicha natijaga erishish uchun eng yaxshi tandem – jamoani birlashtira oladigan fidoyi xalq ta'limi boshqarmasi rahbari hamda uni doim qo‘llab-quvvatlaydigan viloyat hokimi.

“Namangan va Xorazm viloyatlarida shu kabi tandem bo‘lgani sababli boshqa hududlarga nisbatan maktablar masalasiga e'tibor kuchliroq bo‘lib kelgan. Shuning uchun ham, “O‘qituvchi va murabbiylar kuni” bayrami arafasida qator pedagoglar bilan birga ushbu ikki viloyat xalq ta'limi boshqarmasi rahbarlari “Sodiq xizmatlari uchun” medali bilan taqdirlangan edilar.

Bitiruvchilarning oliy ta'lim muassasalariga kirish ko‘rsatkichlari bo‘yicha birinchi 5talik hududlar orasida eng katta o‘sish ham aynan Namangan va Xorazmda kuzatilmoqda”, – deb yozadi vazir.

Ta'kidlanishicha, barcha maktablarda OTMga yo‘naltirish ishlariga alohida e'tibor qaratilgani sababli, bu yil umumiy bitiruvchilarning soni 1,59 barobar ortgan bo‘lsa-da, OTMga kirgan bitiruvchilar soni 2,02 barobar ortgan. Tashqi omillar deyarli barcha hududga bir xil ta'sir qiladi (kvotalarning oshishi, kitoblar, DTM testlari va h.k.), aynan shu ikki hududda ko‘rsatkichlarning o‘sish sur'ati boshqa hududlarnikidan ancha yuqori bo‘lganiga Namangan viloyatining o‘rni o‘tgan yildagiga nisbatan 4 pog‘onaga ko‘tarilgan, Xorazmniki esa 2 pog‘onaga.

“Ushbu oddiy misolning o‘zi prezidentimiz tomonidan viloyat xalq ta'limi boshqarmasi rahbarlarini viloyat hokimining maslahatchisi sifatida mavqeyi ko‘tarilishi hamda hokimlarga kamida 30-40 foiz vaqtlarini maktablarga yordamga sarflashlari bo‘yicha ko‘rsatma berilishi bejizga emasligini ko‘rsatmoqda.

Viloyat (tuman) hokimi xalq ta'limi boshqarmasi (bo‘limi) rahbarini haftasiga kamida bir marotaba qabul qilib, muammolarini yechishda yordam bersa, albatta, o‘sha hududda ta'lim yo‘nalishida rivojlanish bo‘ladi. Hokim tomonidan e'tibor berilmasa yoki viloyat (tuman) xalq ta'limi rahbari muammolarni to‘g‘ri tahlil qilib hokimga tushuntira bilmasa, joylarda ijobiy o‘zgarish bo‘lishi juda qiyin. 

Bu tezkor yig‘ilgan ma'lumotlar. Superkontrakt hamda yangi ochilayotgan xususiy va xorijiy universitetlar qabullari natijalari bo‘yicha Toshkent shahri (hamda ba'zi hududlar) ko‘rsatkichida yil yakunigacha qo‘shimcha o‘zgarishlar bo‘lishi mumkin.

Bitiruvchilari OTMga umuman kirmagan maktablar soni deyarli 3 barobarga kamaydi, bu bo‘yicha alohida batafsil ma'lumot beramiz”, – deb yozadi Sherzod Shermatov.