Prokuratura fermer Do‘stjon Xakimov murojaati bo‘yicha tekshiruvni boshladi

Xorazm viloyati prokuraturasi Hazorasp tumanidagi «Xakimov Xakimjon» fermer xo‘jaligi yerlarining sud qarori bilan davlat zaxirasiga qaytarilgani, bunda hokimlik tomonidan sudga qalbaki hujjat taqdim qilingan bo‘lishi mumkinligi haqidagi tanqidiy maqolaga munosabat bildirdi.

«Fuqaro Do‘stjon Xakimovning «Xakimov Xakimjon» fermer xo‘jaligi yer maydonlari tuman hokimining qalbaki qarori asosida sud tomonidan olib qo‘yilgan bo‘lishi mumkinligi haqidagi murojaati ko‘rib chiqildi.

Hozirda murojaatda keltirilgan Hazorasp tuman hokimligi tomonidan sudga qalbaki hujjat taqdim qilingan bo‘lishi mumkinligi holati bo‘yicha haqiqatni aniqlash va qonuniy qaror qabul qilish uchun tergovga qadar tekshirish o‘tkazilmoqda», — deyiladi bayonotda.

Avvalroq, Hazorasp tumani hokimligi ham maqolaga munosabat bildirgan, biroq, qalbaki qaror haqidagi savollarni javobsiz qoldirgan edi.