Markaziy Osiyo va AQSh tashqi siyosat idoralari rahbarlarining navbatdagi uchrashuvi bo‘lib o‘tadi

2021 yilning 23 aprel kuni videokonferensaloqa orqali Markaziy Osiyo va AQSh tashqi siyosat idoralari rahbarlarining «C5+1» shaklidagi navbatdagi uchrashuvi bo‘lib o‘tadi.

Uchrashuvda Qirg‘iziston, Qozog‘iston, Tojikiston, Turkmaniston, O‘zbekiston tashqi ishlar vazirlari va AQSh davlat kotibi ishtirok etadi.

Tashqi siyosat idoralari rahbarlari tomonidan mintaqaviy siyosat, Markaziy Osiyo davlatlari va AQShning iqtisodiyot, mintaqada xavfsizlikni ta'minlash, iqlim o‘zgarishiga qarshi kurashish hamda Afg‘onistonda mustahkam tinchlikka erishishga ko‘maklashish yo‘nalishlaridagi hamkorligini yanada rivojlantirish masalalari ko‘rib chiqiladi.

Bundan oldin, Abdulaziz Komilov AQSh davlat kotibi bilan telefonda gaplashgani xabar qilingandi.