13:07 / 06.07.2021
208
Россия кимё-технология университетининг Тошкент шаҳридаги филиалида учрашув бўлиб ўтди

Д.И.Менделеев номидаги Россия кимё-технология университетининг Тошкент шаҳридаги филиалида талабалар билан учрашув ташкил этилди, дея хабар бермоқда “Ўзкимёсаноат” АЖ матбуот хизмати.

Унда Қатардаги Texas А&М университетининг (Texas А&М University Qatar) табиий фанлар факультети кимё кафедрасининг доценти (Associate professor) Шерзод Мадраҳимов билан университет талабалари ўзаро мулоқот ўтказган.

Савол-жавоб руҳида ўтган учрашув якунида университет маъмурияти таклифига биноан камида уч ойда бир марта талабалар учун маҳорат дарслари ўтказиш таклифи маъқулланган.

“Янги 2021-2022 ўқув йилидан бошлаб униветситет талабалари кимё фанининг органик синтез ва катализаторлар йўналишида ўз билимларини янада ошириш имкониятига эга бўлади”, дейилади хабарда.

Top