Tokio-2020. Ulug‘bek Rashidov va Tursunoy Rahimova g‘alaba bilan boshlashdi, akademik eshkak eshishdagi juftlik medallar uchun kurashdan chiqib ketdi

Olimpiadada 25 iyul kungi bahslarni o‘zbekistonlik sportchilardan birinchi bo‘lib akademik eshkak eshish vakillari boshlashdi. 

2000 m masofada o‘tish bahsida qatnashgan Shahboz Xolmirzayev/Sobirjon Safaraliyev juftligi marraga 4-bo‘lib yetib keldi va medallar uchun kurashish imkoniyatini yo‘qotdi.

-68 kg vaznda qatnashayotgan taekvondochi Ulug‘bek Rashidov ilk bosqichda malilik Seydu Fofanani 38:17 hisobida mag‘lub etdi. Rashidov keyingi bosqichda ushbu vaznning birinchi raqamli vakili, 3 karra jahon chempioni — koreyalik Li De Hunga qarshi dayanga chiqadi.

Boksda -51 kg vaznda ringga chiqqan Tursunoy Rahimova 1-bosqichdagi jangini o‘tkazdi va polshalik Sandra Drabikni 4:1 hisobida mag‘lub etdi. Tursunoy ushbu natijasi bilan Olimpiya o‘yinlarida g‘alaba qozongan birinchi o‘zbek ayol bokschisiga aylandi. Keyingi bosqichdagi raqib — turkiyalik Buse Naz.