O‘zbekiston terma jamoasi barcha to‘rt bosqich natijalariga ko‘ra, musobaqa yetakchisiga aylandi.
4-8 avgust kunlari Rossiyaning Moskva shahrida ot sportining to‘siqlardan sakrash bo‘yicha Yevrosiyo Ligasi kubogi 4-bosqichi yakunlandi.
Unda O‘zbekiston terma jamoasi barcha to‘rt bosqich natijalariga ko‘ra, musobaqa yetakchisiga aylandi va sentyabr oyida Barselonada bo‘lib o‘tadigan final bosqichida ishtirok etish yo‘llanmasini qo‘lga kiritdi.
Finalda dunyoning 8 ta eng kuchli jamoasi ishtirok etadi va O‘zbekiston terma jamoasi ham ana shu jamoalar orasidan joy oldi.