Yozuvçi tarjimon, tanqidçi, Özbekiston Qahramoni Ibrohim Ğafurov Köksaroy qarorgohida taqdirlaş marosimida prezident Şavkat Mirziyoyev haqidagi fikrlarini bildirib ötdi.

«Menga «Özbekiston Qahramoni» unvoni jahon mumtoz yozuvçisi Fyodor Dostoyevskiy tavalludining 200 yilligida berilayotganida ham adabiyotga e'tibor, ramziy ma'nolar köraman. Çunki men 30 yil davomida bu yozuvçining asarlarini özbekçaga ögirdim. Qarang, nafaqat yozuvçi, balki tarjimon ham munosib körilib, şunday yuksak mukofot berilmoqda.

Men prezidentimizni nima uçun hurmat qilaman – Şavkat Miromonoviç 5 yil avval prezidentlikka kirişganidan boşlab öz lavozimini kabinetdan xalq orasiga olib kirdi. Uzoq qişloqlarga, ta'lim auditoriyalariga, qöşni davlatlar qalbiga kirib bordi bu inson», dedi Ibrohim Ğafurov.

Prezident ham adabiyotşunos olim haqida iliq fikrlar bildirgan.

«Özbek adabiyotining zabardast namoyandasi, atoqli tarjimon Ibrohim aka Ğafurov timsolida adabiyotimizning pok, halol, kamtarin katta vakilini köraman. Bu inson butun umr mehnat qildi, umri şukronalikda ötdi.

Hozirgi kunda ham köplab şoir va yozuvçilar, tarjimonlar Ibrohim akani adabiyot sohasidagi ustozim deydi, unga munosib şogird bölişga harakat qiladi.

Ibrohim akaga öxşagan halol insonlar bizga örnak bölişi kerak. Hayotda, mehnatda, umrda. Bitta stol, ruçka va bitta xona. Boşqa biror narsani bu inson özi uçun ep körmagan. Mana şunday inson albatta Özbekiston Qahramoni bölişga loyiq», dedi davlat rahbari.

  • Ibrohim Ğafurov 1937 yil 27 dekabrda Toşkentda hunarmand oilasida tuğilgan. 1956-1961 yillarda SAGU (hozirgi ÖzMU)ning filologiya fakultetida öqigan. 1961-1982 yillarda Davlat badiiy adabiyot naşriyotida kiçik muharrir, tahririyat mudiri, boş muharrir örinbosari lavozimlarida işlagan. 1995 yilda «Milliy tiklaniş» demokratik partiyasini taşkil etiş taşabbuskori bölgan. U 1996 yildan mazkur partiyaning raisi, «Milliy tiklaniş» gazetasining boş muharriri bölib işlagan. Ğafurov «Gözallikning olmos qirralari» (1964) «Unutilmagan boğ» (1965), «Joziba» (1970), «Yonar söz» (1973), «Yam-yaşil daraxt» (1976), «Yurak -alanga» (1980), «Lirikaning yuragi» (1982), «Şe'riyat — izlaniş demak» (1984), «Öttiz yil izhori» (1987), «Til erkinligi» (1998) singari adabiy tanqidiy, badia kitoblar muallifi. Ibrohim Ğafurov jahon adabiyotining «Jinoyat va Jazo», «Telba», «Qimorboz» (Doctoyevskiy), «Azizim» (Mopassan), «Alvido, qurol», «Çol va Dengiz» (E.Heminguey), «Qiyomat», «Çingizxonning oq buluti» (Çingiz Aytmatov), «Yonğin» (V.Rasputin) singari asarlarini özbek tiliga tarjima qilgan. I. Ğafurov filologiya fanlari nomzodi (1973), Özbekiston yoşlari mukofoti (1989) laureati, «Döstlik» ordeni sohibi (1995).