16:45 / 04.09.2021
1002
Қарши шаҳрида тўхтаб турган «Дамас» устига дарахт қулаб тушди

Қарши шаҳрида тўхтаб турган «Дамас» машинаси устига дарахт қулаб тушган. Бу ҳақда вилоят Фавқулодда вазиятлар бошқармаси хабар бермоқда.

Маълум қилинишича, бугун 4 сентябрь куни соат 13:20лар атрофида вилоят Фавқулодда вазиятлар бошқармаси навбатчи диспетчерлик хизматига Қарши шаҳар «Мустақиллик» МФЙ 19-уйнинг олдида тўхтаб турган «Дамас» машинаси устига дарахт қулаб тушгани ҳақида хабар берилган.

Шундан сўнг вилоят ФВБ қутқарув бўлими ходимлари соат 13:30ларда айтилган манзилга етиб бориб, қисқа вақт ичида ҳолатни бартараф этишган ва машина устидан дарахтни олиб ташлашган.

Қайд этилишича, рўй берган ҳодисада ҳеч ким тан жароҳати олмаган. Фақат «Дамас»нинг том қисми жиддий зарарланган.

Top