Talabalarga ijara pullari to‘lab beriladi, davlat grantlari va qabul kvotalari oshiriladi - 2022 yilda ta'lim sohasidagi o‘zgarishlar

2022 yilda ta'lim va tibbiyot tizimiga 58 trillion so‘m ajratiladi. Bu haqda 1 noyabr kuni prezident Shavkat Mirziyoyev huzurida 2022 yil uchun soliq tushumlari hamda budjet parametrlari yuzasidan o‘tkazilgan yig‘ilishda ma'lum qilindi.

2022 yilda ta'lim tizimida kutilayotgan yangiliklar:

• Ta'lim va tibbiyot tizimiga 58 trillion so‘m ajratilishi ko‘zda tutilgan edi. Prezident bu mablag‘ga qo‘shimcha tarzda yana 12 trillion so‘m ajratish taklifini bildirdi.
• Kelgusi yilda 55 ta yangi dastur amalga oshiriladi.
• Chekka joylarda 1 ming 600 ta bolalar bog‘chasi tashkil etiladi.
• Milliy ta'lim dasturi doirasida 40 ta yangi maktab quriladi va 235 tasi ta'mirlanadi.
• Darsliklar yangilanadi hamda kompyuter sinflari ochiladi.
• Bakalavr yo‘nalishida davlat grantlari, magistratura va doktoranturaga qabullar sonini oshiriladi.
• Davlat-xususiy sheriklik asosida yotoqxonalar qurishga subsidiya beriladi.
• 80 mingdan ortiq talabalar ijara xarajatlarining bir qismi qoplab beriladi.

Eslatib o‘tamiz, 2021/22 o‘quv yilda O‘zbekistonda ta'lim olayotgan talabalar soni yarim million nafardan oshdi.