Toshkent shahrining tashqi savdo aylanmasi 11,5 milliard dollarni tashkil etdi

Joriy yil to‘qqiz oyi davomida O‘zbekistonning barcha hududlari orasida eng katta tashqi savdo aylanmasi Toshkent shahrida qayd etildi (11,5 milliard dollar, eksport – 2,8 milliard, import 8,7 milliard dollar). Bu haqda Davlat statistika qo‘mitasi ma'lum qildi.

Ma'lumotlarga ko‘ra, keyingi o‘rinlarni respublikaning qolgan hududlari sezilarli ortda qolish bilan egallagan: Toshkent viloyati (3,9 milliard dollar, eksport — 1,5 milliard, import — 2,4 milliard dollar), Andijon (2,2 milliard dollar, eksport — 629,2 million dollar, import — 1,5 milliard dollar), Farg‘ona (1,3 milliard dollar, eksport — 587,4 million dollar, import — 765,8 million dollar) va Samarqand viloyati (1,3 milliard dollar, eksport — 360,5 million dollar, import — 968,3 million dollar).

Tashqi savdo aylanmasining eng past ko‘rsatkichlari Xorazm (372 million dollar, eksport — 165,7 million dollar, import — 206,3 million dollar), Jizzax (350,7 million dollar, eksport — 145,3 million dollar, import — 205,2 million dollar) va Surxondaryo (306,9 million dollar, eksport — 143,7 million dollar, import — 163,2 million dollar)da qayd etilgan

Shu bilan birga, ijobiy saldo ko‘rsatgan, eksport hajmi importdan ko‘p bo‘lgan yagona hudud Qoraqalpog‘iston bo‘ldi – 468,2 million dollar, eksport – 297,7 million dollar, import – 170,5 million dollar.